Eguzki-panel ohiko batek 250 W eta 300 W arteko energia eman dezake. Hala ere, gero eta sarriago ikusten dira potentzia handiagoko etxeko panelak (500 W-koak, esaterako), baita edukiera txikiagokoak ere (150 W-koak, esaterako).
Datu horri esker, eguzki-panel batek egunero zenbat kWh ekoizten dituen errazago jakin dezakegu.
300 W inguruko panel arrunt bat hartzen badugu, potentzia-kopuru hori bera sortuko digu eguzkitan ematen duen ordu bakoitzeko.
Hortaz, udaberriko egun eguzkitsu bateko kalkulua egiten badugu, esaterako, eremu epel batekoa, honako kalkulu hau izango genuke:
300 W x 5 ordu eguzkitan egunean = 1500 W, hau da, 1,5 kWh egunean.
- Eguzki-panelek ematen duten energia kalkulatuko dugu, kontuan hartuta egunean 6 orduko eguzkia dugula eta bakoitzak 300 W ekoizten dituen 3 panel ditugula:
3 eguzki-panelek ekoizten duten energia udaberriko 6 eguzki-orduko egun batean
|
|
Alderatu ditzagun, batetik, udaberriko sei eguzki-orduko egun batean 3 eguzki-panelek ematen diguten energia, eta bestetik, etxean erabiltzeko ur beroa ekoizteko behar dugun energia-kopurua:
Gure etxeko ur beroa ekoizteko behar dugun energia
|
Udaberriko sei eguzki-orduko egun batean gure eguzki-panelek ematen diguten energia
|
Ondorioa
|
|
|
|
Eztabaidatu
Eguzki-energiak ur beroa prestatzeko duen eraginkortasunari buruz eztabaidatuko dugu.
Eztabaida prestatuko dugu:
- Datu bi hauek hartuko ditugu kontuan: batetik, gure ur beroaren premiak, eta bestetik, hiru eguzki-panelek udaberriko 6 eguzki-ordutan ematen diguten energia.
- Horrez gain, eguzki-energia ren gaineko informazioa jasoko dugu.
Eztabaidatu dezagun galdera hauek erabiliz:
- Gure kasuan, nahikoa al da eguzki-energia ur beroa ekoizteko?
- Urteko sasoi guztietan eguzki-ordu berberak al daude?
- Urteko sasoiren batean beharrezkoa izan al liteke iturri alternatiboak erabiltzea? Zergatik?
- Nola laguntzen du eguzki-energia erabiltzeak garapen jasangarria bermatzen?
- Justifikatuta legoke eguzki-paneletan inbertitzea ur beroa prestatzeko?