Helburuak

• Gizarte- eta kultura-jardueretan ahoz zein idatziz behar bezala ulertzea eta adieraztea.

• Hizkuntza erabiltzea gizarte- eta kultura-jardueretan behar bezala erlazionatzeko eta adierazteko, errespetuzko eta lankidetzarako jarrera hartuz, norberaren sentimendu eta ideiez jabetzeko eta norberaren jokabidea kontrolatzeko.

• Lankidetzan arituz ekoiztea, zenbait funtzio norbereganatuz eta azaltzen diren arazoak konpontzen lagunduz, azken produktua egokia izan dadin.

• Informazioaren eta komunikazioaren teknologiak erabiltzea informazioa lortzeko eta ikasteko eta ezagutzak partekatzeko tresna gisa, eta teknologia horiek pertsona guztien bizi-baldintzak hobetzeari dagokionez egiten duten ekarpena baloratzea.

• Iraganeko prozesu eta gertaera garrantzitsuak identifikatzea eta denboran eta espazioan kokatzea, eta horiek utzitako ondare historiko, kultural eta artistikoa baloratzea eta errespetatzea.
• Ezagutza matematikoak aplikatzea jokoak eta zorizko egoerak sortzean

Edukiak

• Ahozko eta idatzizko testuak ulertzea eta sortzea, ikasteko, informatzeko, komunikatzeko... Testu horiek helburu didaktikoz sortuak izan daitezke (informazioa lortu, antolatu eta komunikatzeko), edo egunerokoan erabiltzekoak (argibideak, azalpenak, deskribapenak, narrazioak, argudioak…); horrez gain, informalak (maila berekoen arteko edo lantalde barruko elkarrizketak) eta formaltasun-maila handiagokoak (ikasgelan egindako aurkezpenak, esate baterako).

• Komunikazio-trukerako estrategiak eta arauak: parte-hartzea; azalpen argia; diskurtsoa antolatzea; entzutea; hitz egiteko txanda errespetatzea; moderatzailearen eginkizuna; intonazio egokia, besteen sentimenduak, esperientziak, ideiak, iritziak eta ezagutzak errespetatzea. Ahozko iruzkina eta iritzi pertsonala.

• Hitzezko hizkuntza eta hitz gabeko hizkuntza erabiliz, testuak sortzea, informatzea helburu izanik.

• Testuak sortzeko arauak eta estrategiak: plangintza, berrikuspena eta hobekuntza.

• Lankidetzarako eta errespetuzko jarrera izatea ikaskuntza partekatuko egoeretan.

• Taldearen kohesioa eta lan kooperatiboa sustatzeko estrategiak erabiltzea.

• Zereginak planifikatzea eta kudeatzea, helburuak lortzeko. Ekimen ekintzailea.

• Informazioaren eta komunikazioaren teknologiak erabiltzea informazioa bilatzeko eta hautatzeko (iturrien fidagarritasuna), prozesuak simulatzeko eta ondorioen berri emateko.

• Denbora historikoa nola neurtu. Denbora-lerroak.

• Erromatarren garaia: gertaera historiko esanguratsuak, ezaugarri sozialak eta kulturalak.

• Zenbaki erromatarrak.

• Zoria jokoetan.

• Bi dimentsioko ekoizpen plastikoak.

Ebaluazio-adierazleak

• Modu koherente, argi eta egokian mintzatzen da.
• Lexiko, hizkuntza-formula, intonazio eta ahoskera egokiak erabiltzen ditu ezagutzak eta iritziak komunikatzeko.
• Ahozko zein idatzizko ohiko testuen zentzua ulertzen du, eta ideia nagusiak eta bigarren mailakoak bereizten ditu.
• Pertsonen arteko harremanen esparruko berezko testuak idazten ditu (argibideak, narrazioak…), diskurtsoa antolatuz eta planifikatuz, komunikazioaren egoerara eta premiara egokituz eta dagozkion hizkuntza-baliabideak erabiliz.
• Idatzizko testuen alderdi formalak zaintzen ditu, dela formatu digitalean, dela paperean, eta lanak modu ordenatu, argi eta garbian aurkezten ditu.
• Gizarte- eta komunikazio-arauak aplikatzen ditu: entzute aktiboa, txandaren zain egotea, besteen ideiak edo sentimenduak errespetatuz parte hartzea, solaskidearen mintzaldiari eta adeitasun-arau batzuei egokitzea.
• Informazio garrantzitsua bilatzen, hautatzen eta antolatzen du (testuak, irudiak, ikonoak, mapak, planoak…), eta, ondoren, hura aztertzen du, ondorioak ateratzen ditu, eta ahoz zein idatziz komunikatzen du.
• Informazioaren eta komunikazioaren teknologiak erabiltzen ditu (Internet, blogak, sare sozialak…) informatzeko, lanak egiteko, komunikatzeko eta lankidetzan aritzeko.
• Proiektu bat egiten du, bakarka zein taldean lan eginez, eta azken produktua aurkezten du, paperezko euskarria edo euskarri digitala baliatuz. Proiektua egiteko, informazioa bildu du askotariko iturrietan (iturri zuzenak, liburuak, Internet, bai eta izaera geografiko, sozial eta historikoko iturriak ere), zenbait baliabide erabiliz, eta esperientzia ahoz zein idatziz komunikatuz, irudiak eta testu idatziak oinarri hartuta.
• Lankidetzarako eta talde-lanerako jarrerak hartzen ditu, besteen ideiak baloratzen ditu eta intuizioz, irekitasunez eta malgutasunez erreakzionatzen du.
• Talde-lana planifikatzen du, taldeak koordinatzen ditu, erabakiak hartzen ditu, eta erantzukizunak onartzen ditu.
• Egindako lanari buruz hausnartzen du, lan egiteko duen moduari buruzko ondorioak ateratzen ditu, eta ikasten jarraitzeko estrategiak garatzen ditu.
• Haren jarrerak erakusten du badituela norbere buruarenganako konfiantza, sen kritikoa, ekimen pertsonala, jakin-mina, interesa, ikaskuntzarako sormena eta espiritu ekintzailea, zeinek aktibo bihurtzen baitute inguruko zirkunstantzien aurrean.
• Ikasitako hiztegia zorroztasunez eta zehaztasunez baliatzen du landutako gaiari egokitutako terminologia erabiltzea eskatzen duten lanetan.
• Erromatarren garaia identifikatzen du, badaki zein izan ziren garai horretako une garrantzitsuenak, eta aldi horretako ezaugarri politiko, sozial eta kultural esanguratsuenak adierazten ditu.
• Erromanizazioaren herentzia kulturala identifikatzen eta balioesten du.
• Mendea denbora historikoaren neurri-unitatetzat hartzen du, iraganeko gertaerak denboran eta espazioan kokatzen ditu, eta gertaeren iraupena, aldiberekotasuna eta haien arteko harremanak hautematen ditu.
• Zenbaki erromatarrak identifikatzen ditu, horien inguruko ezagutzak aplikatzen ditu datak ulertzeko, eta zenbaki erromatarrok zenbaki-sistema gisa erabiltzen ditu.
• Zoria tartean den joko-egoerak sortzen ditu.
• Bi dimentsioko ekoizpenetako espazioa antolatzen du, oinarrizko zenbait kontzeptu erabiliz, hala nola konposizioa, oreka eta proportzioa.