Gizakiaren interes zientifiko zaharrenetako bat bizia nola sortu zen jakitea da. Azalpen bat aurkitzeko bide horretan, gizadiaren historian zehar zenbait teoria proposatu dira: magikoak, erlijiosoak, mitologikoak eta berrienak, ikerketa zientifikoetan oinarrituta.
Biziaren jatorria edo “abiogenesia” azaltzeko, gaur egun hipotesi kimikoa edo “zopa primitiboaren teoria” delakoa onartzen da. Teoria horren arabera, bizia duela 4.000 milioi urte inguru sortu zen ozeanoetan, tenperatura-baldintza eta baldintza atmosferiko egokiak baitzeuden uretan molekula sinpleak sortzeko, elementu kimiko inorganikoetatik abiatuta, eta, ondoren, horiek bat egiteko eta konposatu konplexuago batzuk osatzeko zopa edo salda moduko batean, zelulak sortu arte.
Teoriaren egileak izan ziren A. I. Oparin biokimikari errusiarra eta J. B. Haldane genetikari ingelesa: modu independentean egin zuten lan XX. mendearen hasieran. Lehen molekula horiei “koazerbatu” izena jarri zieten; sistema koloidal horiek garatzea lortu zuten lehen izaki bizidunak bihurtu arte. Urte batzuk geroago, Stanley L. Miller y Harold C. Urey, egileek, Chicagoko Unibertsitatean, berrogeita hamarreko hamarkadan egindako esperimentu aitzindarietan, molekula organikoak sortzea lortu zuten substantzia inorganikoetatik abiatuta.
Simulatuko dugu koazerbatuen sorrera laborategian? Aurrera!
