Gako dikotomiko bat eraikitzen dakigunez, gako errealekin praktikatuko dugu, eta izaki bizidunak sailkatuko ditugu. Lehenik, proba bat egingo dugu animalien gako sinplifikatu batekin. Irudi hauetan ale hauek ditugu: gai gara horiek identifikatzeko gakoaren argibideei jarraituta? 

Lauko taldetan, dinamika honi jarraituko diogu: 

1. Animalien irudiak mahai gainean jarriko ditugu. Bakoitzak orri bat izango du gakoarekin.
2. Bakoitzak, txandaka, animalia bat aukeratu eta sailkatu egingo du, eta ozen esango die besteei nola ari den egiten. Identifikatu ondoren, gure gakoan idatziko dugu.
3. Txandaka, galderei erantzungo diegu

Irudiak: Wikipedia eta Wikimedia Commons: Igel eskulentoa ( Grand-Duc, Niabot, CC-BY-NC 3.0)/ Tarantula (idier Descouens, CC BY-SA 4.0)/ Karramarroa (David Perez, CC BY 3.0)/ Txantxangorria (caroline legg, CC BY 2.0) / Hartz arrea (Robert F. Tobler, CC-BY-SA 4.0) / Eulia (Fir0002, CC BY-NC) / Ehunzangoa (Filo gèn, CC BY-SA 4.0) / Barraskiloa (Pinky sl, CC BY 3.0) / Iguana (Carlos Valenzuela,  CC-BY-SA 4.0)) / Pailazo-arraina (Esquilo, CC BY 3.0)  / Lur-zizarea (Donald Hobern, CC BY 2.0)

 Animalien gako dikotomiko sinplifikatua.

Galderak:

• Zein dira anelido baten ezaugarri nagusiak?
• Nola definituko genuke anfibio bat?
• Zeintzuk bereizten dira hanka-kopuruagatik?
• Zer dikotomia jarraitu duzu krustazeo bateraino iristeko?

Ikastetxetik atera eta herriko parke batera joango gara. Ziur asko, zuhaitz-espezie arruntak topatuko ditugu. Bikoteka, espezieak banatuko ditugu, eta bakoitzak 2 sailkatuko ditu. Horretarako, Errege Lorategi Botanikoaren aplikazioa erabiliko dugu,  ArbolApp,   eta gure mugikorrean deskargatuko dugu. Horrez gain, fitxa honetan aukeratutako espezieen ezaugarri nagusiak idatziko ditugu. Irteeran zehar argazkiak atera eta 2. eta 3. atalak beteko ditugu:

1. Espeziearen, hostoaren eta enborraren argazkiak.
2. Espeziearen izena: arrunta eta zientifikoa.
3. Sailkatzeko irizpideak: hostoaren forma, enborrarena, altuera, etab.
4. Espeziearen deskripzioa: habitata, historia, hosto iraunkor edo erorkorra, loraketa, erabilerak, anekdotak...  

Ikastetxera itzultzean, ordenagailu baten aurrean jarriko gara fitxa formatu digitalean betetzeko. Horretarako:

1. Irteeran zehar lortutako informazioa erabiliko dugu: argazkiak eta oharrak.
2. Interneten espezieei buruzko informazioa bilatu eta fitxaren 4. puntuan laburtuko dugu. 
3. Erabilitako web-esteken QR kodeak egin eta fitxan kopiatuko ditugu.
4. Gure irakasleak dokumentu arrunt baterako esteka emango digu, eta bikote bakoitzak bere fitxa kopiatuko du; horrela, dokumentuan bikote guztien informazioa jasoko da, eta, beraz, aztertutako parkeko espezie guztiena.
5. Fitxa bakoitza inprimatu eta ikastetxeko toki batean ipiniko dugu.
6. Dokumentua osorik inprimatuko dugu, kopia txikiak egingo ditugu, liburuxka gisa, eta bisitarientzako aurkezpenaren ondoan ipiniko ditugu.
7. Horrez gain, balorazio-fitxa txiki bat ere egin dezakegu, emotikonoekin, bisitarien iritzia jasotzeko.