Atmosfera gure planeta inguratzen duen gas-geruza da. Lurraren atmosfera lurrazaletik 10.000 km ingurura dago, eta ezinbestekoa da bizitzaren garapenerako; izan ere, izaki bizidunei funtsezko gasak ematen dizkie. Bertan gertatzen dira planetaren klimak eta aldaketa meteorologikoak (haizea, ura lurruntzea, euriak sortzea) sortzen dituzten fenomeno atmosferiko nagusiak, eskualdeen arteko desberdintasun teknikoak konpentsatzen laguntzen du eta eguzki-erradiazioaren eta meteoritoen aurrean babesten gaitu. Horregatik guztiagatik, ezinbestekoa da haren konposizioaren egonkortasuna bermatzea, atmosferaren, biosferaren, geosferaren eta hidrosferaren arteko oreka apur dezaketen aldaketak ekiditeko, guztia baitago konektatuta.

Gure atmosfera ez da beti izan ezagutzen dugun modukoa, eta ez da beti izan egokia bizitzeko. Badakigu duela 4.500 milioi urte inguru sortu zela prozesu luze batean, gaur egunera iritsi arte, ezaugarri eta konposizio kimiko definituekin. Atmosfera primitiboa ur-lurrunak, karbono dioxidoak, sufreak eta nitrogenoak osatzen zuten; ia ez zegoen oxigenorik, eta ozeanoak ez ziren existitzen oraindik. Hala ere, nahiz eta gaur egun atmosferari buruzko datu ugari ezagutzen ditugun, gizakiaren jarduerak haren konposizioa aldatzen ari dira modu larrian; beraz, funtsezkoa da hura aztertu eta zaintzea.  

Hezkuntza-baliabide ireki (HBI) honetan zenbait erronka proposatuko ditugu, apurka‑apurka eta modu ordenatuan atmosferaren mundu zirraragarria ezagutzeko, eta, betiko moduan, “ikertuz”.

Gure seme-alabek ez dute denborarik izango klima-aldaketari buruz eztabaidatzeko. Lanpetuta egongo dira haren eraginei aurre egiten.

Barack Obama