Ikusi dugun moduan, material asko eraikitzeko eta apaintzeko baliabide gisa erabiltzen dira, eta, ondorioz, gure hirietan ikus ditzakegu, hormetan, espaloietan eta monumentuetan.
Ataza honetan, ikasgelatik irtengo gara, gure hiriko kaleak zeharkatzeko eta arrokak identifikatzeko. Lortutako informazioarekin, txosten bat egingo dugu arroka bakoitzaren fitxekin, eta, ondoren, eskola-komunitatean aurkezteko mapa bat egingo dugu.
Iritsi da arroka eta mineralei buruz ikasitakoa proiektu praktiko batean aplikatzeko ordua: izan ere, material geologikoen gida txiki bat diseinatu eta egingo dugu gure hiriko zenbait eremutan aurkitutako eraikuntza-baliabideekin.
Betiko moduan, taldeka lan egingo dugu, eta lana banatuko dugu dinamika honen arabera.
Arroka mota nagusiak berrikusiko ditugu, hiri batean topa ditzakegun materialei aplikatuta. Horretarako, bideo hau ikusiko dugu: hor daude irudikatuta. Kontuan hartu behar da eraikuntzan erabiltzen diren materialak leunduta daudela normalean; beraz, baliteke itxura desberdina edukitzea laborategian ikusi ditugun arroken aldean. Horrez gain, arroka naturalak diruditen material sintetiko ugari daude.
Arroka sedimentario batzuetan, adibidez kareharrietan, ohikoa da fosilak topatzea. Ohikoenetako batzuk errudistak, gastropodoak eta belakiak dira, baina triku eta algak ere topa ditzakegu. Gure irakasleak lagunduko digu ataza honetan, soilik ohikoenak ezagutzeko.
Irudiak: Pilar Etxebarria. JP
Bideo honetan, EHUko irakaslea den Xabier Murelagak hirietan topa daitezkeen fosilik ohikoenak azaltzen ditu:
Biosfera proiektuaren webgune honetan, fosilei buruzko informazioa topa dezakegu: fosilak
Lana taldeen artean banatuko dugu. Talde bakoitzak eremu bat aztertuko du, eta, bertan, 4 azterketa-geldialdi egingo ditu arrokak identifikatzeko tokietan. Material honekin irtengo gara ikasgelatik: sailkatzeko gakoak, telefono mugikorra, oharrak idazteko koadernoa eta hiriaren mapa.
Geldialdi bakoitzean, arroka identifikatu eta haren nahiz tokiaren argazkia aterako dugu (eragotzi gabe). Koadernoan idatzi eta mapan lokalizatuko ditugu hauek: kalea, tokia (ataria, horma...) eta, noski, arroka.
HIRIKO ARROKAK (laneko dokumentua (pdf - 503025 B))
Ikasgelara itzultzean, aztertutako arrokei buruzko informazioa bilatuko dugu Interneten, eta bakoitzaren fitxak egingo ditugu diapositibetan. Aurretik, taldeen artean banatuko ditugu, ez daitezen errepikatu. Diapositiba bakoitzean hau adieraziko dugu:
Adibidez:
Imagen: Pilar Etxebarria. DP
Talde bakoitzak bere ibilbidea azalduko die gainerakoei, arbel digitaleko mapa batean, eta fitxen laguntzarekin, tokia eta aurkitutako arrokak adieraziko dituzte.
Irakasleak diapositiba bat emango dio talde bakoitzari, aztertutako eremuaren maparekin, eta zirkulu batekin adieraziko ditugu (talde bakoitzak kolore bat) aztertutako puntuak. Horrela, gidaren atalak maketatuko ditugu.
Talde guztien fitxak inprimatuko ditugu, eta gida maketatuko dugu koaderno moduan. Azalean hiriaren eta aztertutako auzo edo eremuen mapa ipiniko dugu. Fotokopiatu eta banatu egingo ditugu. Formatu digitala ere badugunez, ikastetxearen webgunean argitara dezakegu.
Ataza amaitu ondoren, gure ikaskuntza-egunerokoan hausnarketa egiteko une bat har dezakegu. Hauek izan daitezke egin ditzakegun galdera batzuk:
Ataza hau eskala hauekin ebaluatuko dugu.
Idatzizko txosten bat ebaluatzeko eskala (deskargatu dokumentua odt eta pdf formatu editagarrian):
Ahozko aurkezpen bat balioesteko eskala (deskargatu dokumentua odt eta pdf formatu editagarrian):
Ondoko lizentziak babestua Creative Commons: aitortu-PartekatuBerdin 4.0 Lizentzia