Saltatu nabigazioa

Turismo geologikoa egingo dugu?

Ondare geologikoa ondare naturalaren zati garrantzitsu bat da, eta berezko balioa du. Ondare hori zaintzeko ekimenetako bat geoparkeen sorrera da. Geoparke bat zientzia-, hezkuntza, kultura- edo estetika-intereseko toki bat da; merezi du hura zaintzea, eta, beraz, baita bisitatzea ere. Horregatik, gaur egun toki horiek ibilbide turistikoetan sartzen dira. 

Geoturismoa lotuta dago, lurraldearen geologiarekin eta inguruko baliabide geologikoen aprobetxamenduarekin ez ezik, honako hauekin ere: kultura-ohiturekin, tokiko produktuekin, biodibertsitatearekin eta, nola ez, garapen jasangarriaren barruko kontserbazio-jarduerekin.

Espainiako geoparkeen mapa

María CARMEN Cañizares.. Espainiako geoparkeen mapa (CC BY-NC)
Aizkorri parke naturala
Santi2222. Aizkorri parke naturala (CC BY-SA)

Ataza: Gure altxorra geologikoa ezagutzen

Iraupena:
2,5 ordu
Taldekatzea:
talde txikia / ikasgela osoa / banaka

Espainia da geodibertsitate handieneko herrialdeetako bat. Gaur egun, UNESCOk aitortutako 15 geoparke daude, 252 geologia-interesdun lekuz (GIL) gain. Euskadin, Euskadiko Kostaldeko geoparkea dugu bakarra, baina bai hainbat GIL-ak.

Ataza honetan, mapa kooperatibo baten eta idazketa-jarduera baten bidez ezagutzeko aukera dugu. Bi mapa egin ditzakegu, Espainako geoparkeak (A aukera) ala Euskadiko LIG-ak (B aukera), edo, biak nahi baditugu, noski. Bietan prozedura bera erabiliko dugu.

1: Mapa Google Maps-en

5 talde egingo ditugu lana banatzeko. Gure irakasleak mapa komun bat irekiko du Google Maps-en. 

2: Informazioa bilatuko dugu

A aukera B aukera
Talde bakoitzak hiru geoparke hartuko ditu. Horiei buruzko informazioa bilatuko dugu webgune honetan: Geoparkeak (edo aurkitzen ditugun beste batzuk). 
  1. Geoparque de Sobrarbe
  2. Parque natural de las Sierras Subbéticas
  3. Parque natural Cabo de Gata
  4. Euskal Kostaldeko Geoparkea
  5. Villuercas-Ibores-Jara
  6. Parque natural de la Sierra Norte de Sevilla
  7. Cataluña Central
  8. Geoparque Las Loras
  9. Parque Cultural del Maestrazgo
  10. Geoparque de la Comarca de Molina y Alto Tajo
  11. Geoparque de la isla de El Hierro
  12. Geoparque de Lanzarote y Archipiélago Chinijo
  13. Geoparque Conca de Tremp-Montsec
  14. Geoparque Montañas do Caurel
  15. Geoparque de Granada

Talde bakoitzak bi LIG hartuko ditu. Horiei buruzko informazioa bilatuko dugu webgune honetan: Geologia interesdun Lekuen Inbentarioa (edo aurkitzen ditugun beste batzuk)

  1. Aiako Harria
  2. Deba-Zumaiako Flyscha
  3. Ereñoko kantera gorriak
  4. Gazteluatxeko Donibane
  5. Sopelako K/T muga
  6. Larreinetako meatzategia
  7. Pozalaguako Leiza
  8. Añañako gatz- larrainak 
  9. Anbotoko kareharriak
  10. Frunizko basaltoa

Beste GIL ugari badaude, noski. Hona hemen bideo bat:

IngurumenaEJGV. Euskadiko Interes Geologikoko Lekuak (Youtubeko Litzentzia estandarra)

Informazioaren laguntzarekin, maparen puntuetan ipiniko ditugu. Bakoitzari begira, aipamen hauek egin behar dira:

  • Argazkia eta/edo bideoa
  • Egoera
  • Geologia-interesdun lekuak
  • Kultura- edo turismo-interesdun lekuak
  • Web-esteka edo QR kodea

4: Erakusketa

Mapa arbel digitalean erakutsiko da, eta talde bakoitzak ikasitako geoparkeak azalduko dizkie gainerakoei.

5: Komunikazioa

Mapa ikastetxearen webgunera igoko da

6: Informazio-gutun bat idatziko dugu

Amaitzeko, banako jarduera bat egingo dugu. Ikasle bakoitzak gertueneko geoparkea  edo GIL bat aukeratuko du, eta hari buruzko informazioa bilatuko du.

Informazioa hemen: 

Ondoren, orrialde bateko gutun bat idatziko diogu beste autonomia-erkidego bateko lagun bati, eta azalduko diogu zergatik merezi duen toki hori bisitatzea. Adibidez, haren ezaugarriak, zergatik den interesgarria, bisiten ordutegia (egotekotan), bisitatzeko garai onena…  Alderdi geologikoak ahaztu gabe!

Ebaluazioa eta hausnarketa

Ataza amaitu ondoren, gure ikaskuntza-egunerokoan hausnarketa egiteko une bat har dezakegu. Hauek izan daitezke egin ditzakegun galdera batzuk:

  • Zer ikasi dut?
  • Prozesuan zehar zerk harritu nau gehien? Zergatik?
  • Aldatu al dut aurretik nuen iritzirik? Zein?
  • Zer izan da zailena? Zergatik?

Creado con eXeLearning (Ventana nueva)