Ekosistema bateko elementuen arteko interakzioek haren oreka baldintzatzen dute, baina, era berean, organismoen populazioak haren ingurumenera eta baldintza biologiko zein fisiko-kimikoetara egokitzea eragiten dute.
Egokitzapen horiek ez dira aldaezinak; izan ere, ikusi dugun bezala, ekosistemak eboluzionatu egiten du denboran zehar, baldintzak aldatu egiten dira eta berriro egokitzeko gai diren izaki bizidunek biziraungo dute. “Hautespen naturala” deitzen zaio prozesu horri eta eboluzioaren motorretako bat da.
Egokitzapena honela defini dezakegu: "izaki bizidun baten edozein organo edo jokabide, izaki bizidunari bizi den ekosisteman bere bizi-funtzioak betetzea ahalbidetzen edo errazten diona".
Organismo batzuen egokitzapenak ikertuko ditugu.