Garapen jasangarrirako helburuak lortzeko erabaki garrantzitsu asko gobernuen eta enpresen esku daude. Baina horrek ez du esan nahi guk arduratu behar ez dugunik; izan ere, pertsona garen aldetik, herritarrok parte hartzeko banakako ekintza eta ekintza sozial asko egin ditzakegu.
Esku hartzeko, lehenik eta behin, informazioa jaso eta sentsibilizatuta egon behar dugu, hau da, jakin behar dugu nondik abiatzen garen eta zer hobetu dezakegun. Horretarako, gure kontsumoa ikertuko dugu.
Denok gara kontsumitzaileak, kontsumo-gizarte gisa definitzen den gizarte batean bizi gara, hain zuzen ere. Premiak ase behar ditugu, eta naturak hornitutako ondasunak eta zerbitzuak kontsumitzea da gure giza ekosistemako harremanen zati. Baina gauza bat da benetan behar dena kontsumitzea (gaur egun oso zaila da definitzea, publizitateak eta enpresek etengabe bonbardatzen gaituztelako produktu berriekin, askotan beharrezkoak ez diren produktuekin), eta beste bat kontsumista izatea, hau da, elikagai, energia edo ondasun gehiegi eskuratzen dituena, kontsumoa arrakastarekin, nahiak asetzearekin eta estatus sozialarekin lotzeko ideiaren mende dagoena. Kontsumismo konpultsiboan erortzen gara askotan.
Baliabideen kontsumo arduratsua da gure biziraupenaren oinarria, bai eta gainerako izaki bizidunena ere.
1.- Inkesta hau egingo dugu, banak. Horren bidez, jakingo dugu zein den bakoitzaren inpaktua. Atal bakoitzak hiru aukera ditu erantzuteko, A, B edo C. A aukerak 10 puntu balio ditu, B-k 5 puntu eta C-k 2 puntu. Amaitzen dugunean, puntuak batuko ditugu gure emaitza ikusteko.
| Item zk | Galderak |
| 1 |
A. Ia beti autoa erabiltzen dut institutura joateko |
| 2 | A. Birziklatzea txorakeria iruditzen zait; azken batean dena leku berera doa B. Zaborra gauza batzuetatik bereizten dut, hala nola beira edo paperetik C. Ahal dudan guztia birziklatzen dut: beira, papera, plastikoa eta organikoa |
| 3 | A. Murriztea eta berrerabiltzea ez da nire kontua B. Gauza batzuk berrerabiltzen ditut: arropa, liburuak... C. Berrerabili aurretik, murrizten saiatzen naiz beti |
| 4 | A. Nire etxean, berogailua behar denean jartzen dugu B. Berogailua erregulatu egiten dugu programatzaile batekin C. Programatzaileaz gain, isolamendu-sistemak erabiltzen ditugu |
| 5 | A. Gauez ez ditut inoiz itzaltzen nire gailu elektronikoak (mugikorra, ordenagailua...), badaezpada ere B. Itzali egiten ditut, baina ez ditut saretik deskonektatzen C. Guztiak itzali eta saretik deskonektatzen ditut |
| 6 | A. Ez dut pila kargagarririk erabiltzen, oso garestiak baitira B. Gailu batzuetan erabiltzen ditut pila kargagarriak C. Beti erabiltzen ditut pila kargagarriak |
| 7 | A. Interesatzen zaizkidan liburu eta aldizkari guztiak erosi egiten ditut B. Interesatzen zaizkidan liburu edo aldizkari batzuk erosi egiten ditut C. Liburutegiko maileguak eta aldizkari digitalak erabiltzen ditut edo lagunekin trukatzen ditut |
| 8 | A. Etxean, janari prestatu asko jaten ditugu, ez gara janaria prestatzen trebeak B. Noizean behin pizzaren bat edo antzeko zerbait jaten dugu C. Otorduak sasoiko elikagai freskoekin prestatzen ditugu |
| 9 | A. Markako arropa erosten dut edo arropa sarritan estreinatzen dut, bestela, ze narrasa! B. Behar dudan arropa erosten dut, marka kontuan hartu gabe C. Behar dudan arropa baino ez dut erosten, baita bigarren eskukoa ere |
| 10 |
A. Egunero bainatzen naiz |
Emaitza:
Taldeka elkartuko gara, eta, lehenik eta behin, inkestaren itemak sailkatuko ditugu:
Bakoitzak lortutako puntuak aztertuko ditugu, energiari eta gehien gastatzen ditugun baliabideei buruz eztabaidatuko dugu eta ondorioak aterako ditugu.
Azkenik, ikasle guztien artean, “deskonferentzia” azkarra egingo dugu:
Askotan informazioa falta zaigu. Inguratzen gaituzten objektuak hain dira egunerokoak, ezen gure bizitzaren parte diren, jaiotzen garenetik. Ez dugu pentsatzen nondik datozen, zer lehengai behar diren horiek egiteko eta zenbat kostatzen den gure etxeetara iristea. Eta ez soilik gastu ekonomikoa edo energetikoa, baita giza gastua ere. Informazio horri esaten zaio produktu baten ingurumen-inpaktua edo motxila ekologikoa.
Lehenik bideo hau ikusiko dugu ikasgelan:
Ikusi dugu zenbat baliabide kontsumitzen ditugun kamiseta soil bat egiteko. Ehungintza munduko bigarren kutsatzailerik handiena da. Orain, taldean lan egingo dugu, gure bizitzetatik ia bereiz ezin daitekeen zerbaitekin: mugikorrarekin. Telefono mugikorra, arroparekin batera, gure ustez maiz berritu beharreko produktuetako bat da. Industriak eta publizitateak produktuak zaharkitu direla sentiarazten digute, baldin eta berri bat estreinatzen ez badugu, modako arropa janzten ez badugu edo mugikorren azken modeloa ez badugu. Telefono mugikorrak nonahikoak dira; izatez, Espainian biztanle baino telefono mugikorreko linea gehiago daude ofizialki.
|
1 |
2 |
3 |
|
4 |
5 |
| A |
ESPORTAZIOA-KONTRABANDOA
|
| B |
ERAUZKETA
|
| C |
KONTSUMOA
|
| D |
ZABORRA - HONDAKINAK
|
| E |
FABRIKAZIOA
|
Ataza amaitu ondoren, une egokia izan daiteke gure ikaskuntza-egunerokoan hausnarketa egiteko. Hauek izan daitezke egin ditzakegun galdera batzuk:
Ataza hau ebaluazio-eskala hauekin ebaluatuko da:
Zientzietako idatzizko jarduera bat ebaluatzeko eskala (deskargatu odt formatu editagarrian eta pdf-n):
Ondoko lizentziak babestua Creative Commons: aitortu-PartekatuBerdin 4.0 Lizentzia
.jpg){kind=link}