Aurkezpena
HBI honetan, honako gai hauek jorratuko ditugu: ekosistemak, gizakiak haien gainean duen eragina, planeta babesteko egon daitezkeen irtenbideak eta ohitura jasangarriak. Sistema naturalek nola funtzionatzen duten ulertzeak haren orekari eusteko informazioa ematen digu; horrexegatik landuko dugu lehenengo atalean. Bigarren atalean, jasangarritasunaren eta, ondorioz, gure ongizatearen aldeko kontsumo-ohiturak ikertuko ditugu.HBI honetan, honako gai hauek jorratuko ditugu: ekosistemak, gizakiak haien gainean duen eragina, planeta babesteko egon daitezkeen irtenbideak eta ohitura jasangarriak. Sistema naturalek nola funtzionatzen duten ulertzeak haren orekari eusteko informazioa ematen digu; horrexegatik landuko dugu lehenengo atalean. Bigarren atalean, jasangarritasunaren eta, ondorioz, gure ongizatearen aldeko kontsumo-ohiturak ikertuko ditugu.
Naturak ez du ezer osatu gabe uzten eta ez du ezer alferrik egiten.
Aristóteles
Nazio Batuen idazkari nagusiaren mezua, egokitua, Ingurumenaren Munduko Egunerako (2022ko ekainaren 5a):
“Ezinbestekoa da planetaren osasuna, haren atmosfera, Lurreko biziaren aberastasuna eta aniztasuna, haren ekosistemak eta baliabideak zaintzea, mugatuak baitira. Baina ez gara horretan ari. Gehiegi eskatzen diogu gure planetari jasangarriak ez diren bizimoduei eusteko. Lurreko sistema naturalek ezin diote eutsi gure eskakizunen erritmoari.
Hori kaltegarria da Lurrarentzat ez ezik gizakientzat ere. Ingurumen osasungarria behar-beharrezkoa da pertsona ororentzat eta Garapen Jasangarrirako 17 Helburuentzat. Funtsezkoa da natura zentzuz kudeatzea eta mundu guztiak, eta bereziki pertsona eta komunitate zaurgarrienek haren zerbitzuak parekotasunez eskuratzeko aukera izango dutela zaintzea. Landare eta animalien milioi bat espezie baino gehiago galzorian daude. Ekosistemen degradazioak 3.000 milioi pertsonari baino gehiagori eragiten die.
Duela 50 urte, munduko agintariek planeta babesteko konpromisoa hartu zuten. Nolanahi ere, oso urruti gaude helburu horretatik. Dagoeneko ezin diegu entzungor egin egunez egun biziagotzen ari diren alarmei. Beharrezkoa da pertsona guztiok hartzea erantzukizuna gure gain”.