Beroa eta tenperatura
Tenperatura desberdinetan dauden bi gorputz kontaktuan jartzean, tenperatura altuena duenak bere energiaren zati bat tenperatura baxuena duenari ematen dio, eta azkenean, bi tenperaturak berdindu egiten dira.
Egoera horri oreka termikoa deritzo. Tenperaturak berdintzean gertatzen da, hau da, bero-fluxua eten egiten da, eta, orduan, oreka-egoera lortzen da.
Oreka termikoa eguneroko hainbat egoeratan eta prozesu naturaletan aurki dezakegu, adibidez, gorputz-tenperatura termometro baten bidez neurtzen dugunean. Termometroak gorputz-tenperatura hartzen behar duen denbora, eta oreka termikoa lortzeko behar den denbora berdinak izango lirateke.
Gauza bera gertatzen da kafe-katilu bat hozteko esne hotza gehitzen diogunean.
Oreka termikoari buruzko askoz ere adibide gehiago aurki ditzakegu. Horixe izango da gure zeregina. Hainbat eguneroko sistema ikertzen saiatuko gara, bai esperimentalki bai teorikoki.